اتى عام جديد يهنئ فية الناس بعضهم البعض بحرارة
بجد عمرى ما شوفت الناس فرحانة بالعام الجديد زى سنة 2012
يا ترى ايه السر ؟؟؟؟؟
اكيد لان ..
الكل تعب من 2011 ومن كثرة احداثها المتتالية الى ما كناش بنقدر نعرفها من كثرتها
فى السنة الا فاتت حياتى كانت منظمة جداااا طب الزاى والدنيا بايظة خالص تكون حياتى انا منظمة
اقولكم ...........
بصراحة انا ما عملتش فيها اى حاجة جديدة
كل يوم اصحى اروح المدرسة
وبجرد انتهاء اليوم الدراسى اروح البيت واصلى واتغدى وانام واصحى بعد العصر
ومن ساعة ما اصحى ما وراييش حاجة غير انى اتابع الاخبار اقعد اشاهد التليفزيون لحد ما امل
اقوم افتح موقع اليوم السابع واتابع الاخبار بشكل تانى .... وافتح الفيس بوك الاقى اخبار جديدة بردو
والاقى اصحابى وكل الناس الا على الفيس بيتكلموا على الاخبار والاحداث بردووا وهكذا .......
كل يوم بنفس الطريقة نقرا ونسمع ونتكلم فى نفس الاخبار والاحداث .... حاجة مملة
وتقريبا دة الا كان بيعملوا كل الناس ..... علشان كدة فرحوا قوووووووى لما انتهت 2011 واتت 2012
عايزين يرتاحوا بقى شوية تعبوا من الاخبار .
ومتهيألهم ان العيب فى التاريخ او المشكلة هتتحل بمجرد ما نرمى النتيجة القديمة ونعلق نتيجة 2012 .
انا بالنسبة لى مش عارفة ليه ما فرحتش بالسنة الجديدة ؟؟؟
مش حاساها ...
بصراحة كان نفسى .. فى حاجات كتيررر احققها .. وكل ما يبدأ عام جديد بحس ان العمر بيعدى بى
من غير ما اعمل الا انا عايزاه ...
سنة راحت بكل الامها وسنة جاية جديدة ربنا يحلى ايامها .
بس الشئ الاكيد ان عام 2012 هى السنة الاكثر حظ بين اخواتها السنوات الاخرى
لان مفيش سنة الناس قابلتها بالفرحة دى كلها .
